اسلام آباد ۔29 جون(اے پی پی) نائب وزيراعظم او خارجه وزير اسحاق ډار د بري امام (رح) عرس په موقعه د امنيت غېر معمولي انتظاماتو هدايت كولو سره وئيلي چې د هېواد بېلو برخو او ګردې نړۍ څخه د عرس په دستورو كښې ګډون كولو له راتلونكو زائرينو لپاره دې آسانۍ برابر كړې شي۔ د خالي په ورځ د اسحاق ډار په مشرۍ كښې د مزار حضرت بری امام کمپلېکس انتظام وانصرام كمېټۍ غونډه وشوه۔ په غونډه كښې حنيف عباسي، جنرال رېټائرډ افضل جنجوعه، د كورنيو چارو سېكتر، چيف كمشنر اسلام آباد، د سي ډي اے چيئرمېن او نورو اعلی چارواكو ګډون وكړو۔ په غونډه كښې د حضرت بري امام (رح) د كلن عرس مبارك د انتظاماتو جاج واغستې شو۔ په دې موقع نائب وزيراعظم هدايت وكړو چې د عرس په موقع دې د امنيت اضافې انتظامات وكړې شي۔ ده په عرس كښې ګډون كوؤنكو مېرمنو زائرينو لپاره په مزار حضرت بري امام كمپلېكس كښې د خصوصي انتظاماتو باوري كولو هدايت كولو سره ووئيل د دستورو په دوران كښې دې څوك كوم اذيت سره مخ نه شي۔ په غونډه كښې د عرس د انتظاماتو په لړ كښې يوه خاص كمېټۍ هم جوړه كړې شوې كومه كښې به چې د چيف کمشنر اسلام آباد او د ډپټي کمشنر پشمول نور چارواكي شامل وي۔
د نائب وزيراعظم اسحاق ډار په مشرۍ كښې د مزار حضرت بري امام كمپليكس انتظامي كميټۍ غونډه
مضمون کا ماخذ : نتیجہ میگا سینا
متعلقہ مضامین
