اسلام آباد ۔ 21 اگست (اے پی پی) سینیٹ دے ارکان نیشنل پارٹی بلوچستان دے سربراہ سینیٹر حاصل بزنجو کوں خراج عقیدت پیش کریندے ہوئیں آکھیے جو او مظلوم طبقے دی آواز تے جمہوریت پسند اتے جرات مند رہنما ہن ۔، جمہوریت دی بحالی آئین دی حکمرانی اتے پارلیمنٹ دی بالادستی کیتے انہاں دی جدوجہد کوں یاد رکھیا ویسی ۔ جمعے کوں سینٹ دے اجلاس اچ میر حاصل خان بزنجو دے انتقال تے تعزیتی ریفرنس اچ گال کریندے ہوئیں سینیٹر پرویز رشید آکھیا جو سینیٹر حاصل بزنجو ہک وضع دار، جمہوریت پسند محب وطن اتے عوام دوست رہنما ہن ۔ سینیٹر مشاہد حسین آکھیا جو حاصل بزنجو دی وفات ملک کیتے وڈا سانحہ اے او جرات مند انسان ہن، 1984ءتوں انہاں نال میڈے تعلقات ہن ، حاصل بزنجو ہک درویش بندہ ہئی ،۔ سینیٹر سسی پلیجو آکھیا جو حاصل بزنجو دا پارلیمان اچ وڈا اہم کردار ہئی او مظلوم طبقے دی آواز ہن انہاں دی کمی ہمیشہ محسوس کیتی ویسی ۔ سینیٹر رضا ربانی آکھیا جو حاصل بزنجو جمہوریت اتے عوام دے حق دی آواز ہمیشہ چاتی انہاں دے فوت تھیونڑ نال اے آواز چپ کائناں رہسی ۔ انہاں آکھیے جو بلوچستان اچ حیات بلوچ دے قتل دا واقعہ ریاست کیتے لمحہ فکریہ اے۔ وفاقی وزیر انسداد منشیات سینیٹر اعظم سواتی آکھیے جو حاصل بزنجو ہک وضع دار شخصیت ہن ، سیاسی اختلافات اپنڑی جاہ لیکن انہاں نال ذاتی تعلق کڈاہیں نی ترٹیا، اللہ تعالیٰ انہاں کوں جوار رحمت اچ جاہ ڈیوے ۔ سینیٹر صلاح الدین ترمذی آکھیے جو سینیٹر حاصل بزنجو دی وفات بلوچستان اتے ایوان دی نی پورے ملک دا ضیان اے ۔ سینیٹر عثمان کاکڑ آکھیے جو حاصل بزنجو دی تربیت سیاسی ماحول اچ تھئی انہاں دے والد بہوں وڈے سیاسی رہنما ہن ، زمانہ طالب علمی توں انہاں سیاست شروع کیتی ،او ایجھے سیاسی رہنما ہن جو انہاں دا رویہ کارکناں آلا ہئی۔
حاصل بزنجو مظلوم طبقے دی آواز اتے جمہوریت پسند رہنما ہن ،سینیٹ اجلاس اچ تعزیتی ریفرنس دے دوران ارکان دا مرحوم راہنما کوں خراج عقیدت
مضمون کا ماخذ : ماہی گیری کا جنون
متعلقہ مضامین
