اسلام آباد 03 اكتوبر (اے پي پي) د اطلاعاتو او خپرونو وفاقي وزير چوهدري فواد حسېن وئيلي دي چې پانامه پېپرز د نړۍ د لويو كرپټ خلقو په بهرنيو هېوادونو كښې پټې اثاثې بې نقابه كړې دي، اوس وئيلې كېږي چې د آئي سي آئي جے يو بل تحقيق رامخې ته كېږي. عمران خان مالداره هېوادونو ته وئيلي دي چې بايد د غريب هېوادونو څخه غلا كړې شوې پېسه په مالداره هېوادونو كښې د پټولو حوصله شكني وشي. د اتوار په ورځ په ټويټر په خپل يو ټويټ كښې وفاقي وزير ووئيل چې كه د پانامه پشان په پنډوراليكس كښې د غريب هېوادونو پېسه بهرنيو هېوادونو ته د منتقل كېدو تفصيلات راځي نو دې سره به د وزيراعظم عمران خان دريځ لا قوي شي. ده ووئيل چې مونږ هيله لرو چې دا تحقيقات به هم د پانامه پشان د سپېځلتيا نوې لارې پرانيزي او د كرپشن د حوصله شكنې به يو بل سبب وګرځي.
مضمون کا ماخذ : سلور لائونیس 4x ضرب
