اسلام آباد 22 جون (اے پي پي) د کابينه اقتصادي رابطه کمېټۍ (اي سي سي) كے الېكټرك لپاره د برېښنا د يونټ بيعه كښې د 0.571 روپۍ زياتوالي٬ په آر اېل اېن جي پاور پلانټس ته د ادائيګو په مد كښې د 17 اربه روپو او د وزيراعظم معاونتي پيکيج له مخې د اسلام آباد پوليس شهيدانو كورنيو معاونت لپاره د 1224.41 مېليونه روپو د ضمني ګرانټ منظوري وركړې ده، په غونډه كښې د يو شمېر وزارتونو او ډويژونو تكنيكي/ضمني مالياتي ګرانټس منظوري هم وركړې شوه۔ د کابينه اقتصادي رابطه کميټۍ غونډه د شورو په ورځ د خزانې وزير مفتاح اسماعيل په مشرۍ كښئ وشوه چې پكښې وفاقي وزيرانو احسن اقبال، طارق بشير چيمه، سيد نويد قمر، سيد مرتضيٰ محمود، وزير مملکت ډاکټر عائشه غوث پاشا، وفاقي سېكرټريز، د اېف بي آر چيئرمېن او لوړ پورو ګډون وكړو۔ غونډه كښې د توان وزارت لخوا د برېښنا څانګې لپاره د ټېرف معقول كولو پحقله سمري وړاندې كړې شوه۔ غونډې ته ووئيل شول د نېشنل الېكټرېسټي پاليسۍ 2021 له مخئ حكومت د کے۔اليکټرك او د نورو سركاري ډسټري بيوشن کمپنيو صارفينو لپاره به يو ډول ټېرف برقرار ساتي٬ د دې په تسلسل كښې د کے۔اليکټرك لپاره د ټېرف معقول كول ضروري دې٬ دغسې اي سي سي د دريو مياشتو ريكوري مودې لپاره كے الېكټرك لپاره د برېښنا د يونټ بيعه كښې د 0.571 روپۍ اضافې منظوري وركړه٬ د دې نه علاوه به نېپرا د اكتوبر نه تر دسمبر كال 2021 دريو مياشتو لپاره د نظر ثاني شوې ټېرف شېډول جاري كوي۔ په غونډه كښې آر اېل اېن جي پاور پلانټس ته د ادائيګو په مد كښې د 17 اربه روپو منظوري هم وركړې شوه ٬ دا فنډز به د آر اېل اېن جي چلېدونكو پاور پلانټس (حويلي بهادر شاه، بېکي او بلوکي) ته وركولې شي دغسې چې د دغې پاور پلانټس ته د نغدو مسئلې رامخې ته نه شي۔ په غونډه كښې د توان وزارت لخوا د کے۔اليکټرک درې مياشتني ټېرف اېډجسټمنټ او د مالي اثرات پحقله سمري هم وړاندې كړې شوه٬ اي سي سي د تفصيلي بحث نه پس ترلاسه 36.94 اربه روپۍ د اېډوانس په توګه سبسډي لپاره د كارولو اجازه وركړه۔ تر يو كال عمر ماشومان د رنځونو څخه ساتلو لپاره د واكسين قامي پروګرام ته د ودې وركولو په لړ كښې اي سي سي اميونائزيشن وفاقي ډائرېكټورېټ لپاره د 6133.31 مېليونه روپو وركولو منظوري هم وركړه٬ دغسې اي سي سي د مقبوضه كشمير كډوالو آباد كارۍ لپاره اړوند وزارت لپاره د 3096.05 مېليونه روپو منظوري هم وركړه ٬ دا فنډ به آزاد كشمير ته منتقل كېږي۔ دغسې په غونډه كښې داخله وزارت لپاره د 5891.9 مېليونه روپو، آئي پي پيز ته وركولو لپاره پاور ډويژن ته 96.13 اربه روپو ، د اېن سي او سي تشهيري كمپائن لپاره 40 مېليونه روپو، کابينه ډويژن لپاره د 125.8 مېليونه روپو، خارجه وزارت لپاره 3750 مېليونه روپو، د آئي ټي او ټيلي کام وزارت لپاره د 379 مېليونه روپو او پاکستان رېلوے لپاره د 5 اربه روپو د ضمني او تكنيكي ګرانټس منظوري هم وركړې شوې
د خزانې وزير په مشرۍ كښې د اي سي سي غونډه كے الېكټرك لپاره د برېښنا يو يونټ بيعه كښې د 0.571 روپۍ زياتوالي٬ آر اېل اېن جي پاور پلانټس ته د ادائيګو په مد كښې د 17 اربه روپو منظوري
مضمون کا ماخذ : لاٹری کی قانونی حیثیت
متعلقہ مضامین
