اسلام آباد ۔ 03 ستمبر (اے پی پی) وفاقی وزیردفاعی پیداوار رانا تنویر حسین آکھے جو وزیر اعظم محمد نواز شریف پاکستان کوں جدید اتے ترقی یافتہ ملک بنڑاونڑاں چاہندے ہن ۔ ریڈیو پاکستان نال گالھ مہاڑ کریندے ہوئیں انہاں آکھیا جو پاکستان مسلم لیگ (ن) دی حکومت کوں قتدار اچ آونڑ ویلھے توانا ئی بحران تے دہشتگردی سمیت بئے بہوںسارے مسئلیاں دا سامنڑاں ہئی ۔ رانا تنویر آکھیا جو وزیر اعظم محمد نواز شریف پاکستان کوں آپنڑیں سوچ دے مطابق جدید اتے ترقی یافتہ ملک بنڑاونڑاں چاہندے ہن ۔ انہاں آکھیا جو گزریل ڈینھ انہاں دے حلقے کالاشاہ کاکو اچ بائی پاس دے افتتاح نال علاقے دے لوکیں دا پرانڑاں مسئلہ حل تھی گئے ۔ انہاں آکھیاجو بائی پاس دی تعمیر نال کالاشاہ کاکو توں لہور دا فاصلہ 20 کلو میٹر گھٹ تھی ویسی ۔
مضمون کا ماخذ : اسرار ریلز
