اسلام آباد۔12نومبر(اے پی پی)وفاقی وزیر اطلاعات و نشریات سینیٹر شبلی فراز آکھیے جو وزیراعظم عمران خان دی سوچ دے مصابق اپݨی ثقافت نال قومی تشخص کوں محفوظ بݨیسوں، ای کامرس نال گھراں اچ بݨایاں ونڄݨ آلیاں مصنوعات پورے ڄڳ اچ پچایاں ونڄ سڳدن ایندے نال گھریلو صنعت اتے ثقافت وی جیندی راہسی، وپار ودھسی، قومی سنڄاݨ اتے سیاحت کوں ودھارا ملسی۔ اے ڳالھ انہاں لوک ورثہ میلہ دی تقریب ویلھے میڈیا نال الیندے آکھی جو لوک ورثہ ٻہوں چنڳاں میلہ سجائے،اے ادارہ وی تہوں بݨایا ڳیا ہا جو پاکستان دے عوام کوں جوڑیا وںڄے، ثقافت کوں اڳونہا کیتا ونڄے اتے فن اتے فنکار اپݨیاں صلاحیتاں ابھار سڳن۔ انہاں آکھیا جو اینجھیاں سرگرمیاں نال مختلف صوبیاں دے لوک ہک بئے نال جڑسن اتے آپسی تجربیاں توں فیدہ چیسن۔ انہاںا آکھیا جو وزیراعظم عمران خان حقیقی پاکستانی ثقافت نال قومی تشخص کوں محفوظ بݨاوݨ چاہندن،اینجھے میلے صوبیاں اچ وی تھیوݨے چاہیدن۔
ثقافت نال قومی تشخص کوں محفوظ بݨیسوں، وزیر اطلاعات و نشریات سینیٹر شبلی فراز دی لوک ورثہ میلہ دی تقریب ویلھے میڈیا نال ڳالھ مہاڑ
مضمون کا ماخذ : لاٹری آن لائن
متعلقہ مضامین
