اسلام آباد ۔ 16 مئی (اے پی پی)نیشنل کمانڈ اینڈ آپریشن سنٹر (این سی او سی)گزریل چووی گھنٹیاں اچ کورونا وائرس (کویڈو۔19 )دی تشخیص سانگے ساریاں توں ودھ 14ہزار878 ٹیسٹ تھین، ہنڑ تئیں ٹیسٹ دی صلاحیت 27گناہ ودھ گئی اے جیڑھی جو حوصلہ افزاءاے۔ وفاقی وزیر منصوبہ بندی، ترقی ، اصلاحات و خصوصی اقدامات اسد عمر دی صدارت اچ ہفتہ کوں نیشنل کمانڈ اینڈ آپریشن سینٹر (این سی او سی) دا اعلیٰ سطح دا جلاس تھیا۔اجلاس اچ رمضان المبارک دے چھیکڑی عشرے اچ طاق راتاں دے کٹھ،جمعة الوداع،عید دی نماز،عید دی چھٹیاں،مارکیٹاں،بازاراں اتے صنعتاں سانگے ایس او پیز تے عملدرآمد دا جائزہ گھدا گئیا۔اجلاس اچ پنجاب دے وزیر صحت میاں اسلم، سندھ، بلوچستان، خیبر پختونخواہ، آزادوجموں کشمیر اتے گلگت بلتستان دے چیف سیکرٹریز ’ ویڈیو لنک دے ذریعے انہاں معاملیاں تے اپنڑے صوبیاں اچ عملدرآمد بارے پیش رفت،بئی بہتری اتے اپنڑی تجویزاں پیش کیتی۔فورم کوروناوائرس کیسز دی اجوکی شرح،وباءاچ ممکنہ ودھارے دے تخمہ دا جائزہ گھندیں ہوئیں جون اچ ایں وباءدے ودھنڑ دا خدشہ اے اتے ایں سانگے صحت دے شعبے دی مجموعی صلاحیت،ٹیسٹنگ دی تعداد ودھاونڑ اتے وینٹی لیٹرز دی مطلوبہ تعداد یقینی بنڑاونڑ تے توجہ ڈتی ونجے۔وزارت صحت دے حکام پی پی ایس اتے طبی آلات بارے اجلاس کوں بریفنگ ڈیندیں ہوئیں ڈسیا جو ہنڑ تئیں پاکستان کوں 50 لکھ 61 ہزار 160 ماسک، 2 لکھ67 ہزار 280 این 95 ماسک، 8 لکھ 81 ہزار 700 حفاظتی لباس، 1 لکھ 41 ہزار 45 گاگلز (حفاظتی عینکس)، 12 لکھ 59 ہزار 148 گلوز، 3 لکھ 94 ہزار 186 سرجیکل کیپس، 94 ہزار400 فیس شیلڈ، 2 لکھ 81ہزار208 شوکور،20 پورٹ ایبل وینٹی لیٹرز، 24 آئی سی یو وینٹی لیٹرز، 339 بائے پی اے پی وینٹی لیٹرز، 45 ایکسرے مشینیں پاکستان آندیاں گئن۔اے ساراطبی سامان ہسپتالاں کوں انہاں دی لوڑھ دے مطابق بھجواڈتا گئے ۔
گزریل چووی گھنٹیاں اچ کورونا وائرس (کویڈو۔19 )دی تشخیص سانگے ساریاں توں ودھ 14ہزار878 ٹیسٹ تھین، ہنڑ تئیں ٹیسٹ دی صلاحیت 27گناہ ودھ گئی اے جیڑھی جو حوصلہ افزاءاے،نیشنل کمانڈ اینڈ آپریشن سینٹر
مضمون کا ماخذ : پشاور لاٹری
متعلقہ مضامین
