اسلام آباد۔23اکتوبر(اے پی پی)وزیراعظم محمد شہباز شریف آکھیے جو عالمی برادری غزہ اچ ف??سطینیاں دی نسل کشی، جنگ بندی کراوݨ اچ ناکام رہی اے، پاکستان اچ ف??سطینی طلباء کوں ساریاں سہولتاں ݙیسوں۔ اے ڳالھ انہاں پاکستانی میڈیکل یونیورسٹیاں اتے کالجوں اچ پرھݨ آلے فلسطینی طلباء و طالبات نال خطاب اچ آکھی۔ انہاں آکھیا جو پاکستان فلسطینیاں دا ݙوڄھا گھر اے، انہاں تے آئی مصیبت پاکستان ہی نئیں پورے ڄڳ کوں پتا اے، فلسطینیاں دا اوکھ ݙینھ و ݙینھ ودھدا ویندے، مقبوضہ اسرائیلی فوج ولوں بہیمانہ مظالم جاری ہین جیندے اچ ہݨ تئیں 43 ہزار توں ودھ فلسطینی شہید تھ?? چکین، ہزاراں ٻالاں کوں انہاں دی ماواں ??ی جھولی اچ شہید کیتا ڳئے، کئی شہر تباہ کیتے ڳن، عالمی برادری حالی تئیں صرف قرارداداں، تقریراں اتے و??دے کریندی پئی اے، اقوام متحدہ دی سلامتی کونسل، عالمی عدالت انصاف سودھا کہیں بین الاقوامی ??ور?? جنگ بندی کیتےے کڄھ نئیں کیتا، ڄڳ دی تاریخ اچ ایں توں پہلے اتنی تباہی نئیں تھئی۔ انہاں آکھیا جو تساں ساݙے ٻھیݨیں ٻھرا ہو، ساݙے گھر، اساتذہ سب کڄھ تہاݙے کیتے اے، پاکستان تہاݙے کیتے ہر ممکن سکھ ݙیسی۔ انہاں آکھیا جو اقوام متحدہ ??ی جنرل اسمبلی دے اجلاس اچ ف??سطین اتے اسرائیلی فوج ولوں فلسطینیاں دی نسل کشی بارے مختلف ممالک دے صدور اتے و??راء اعظم تقاریر کیتن ٻھل ایندے بعد وی غزہ اچ خون وہایا ویندا پئے، سکولاں اتے ہسپتالاں تے بمباری کیتی ویندی اے، میں اقوام متحدہ اچ مشرقی تیمور، سوڈان دے معاملہ دے حل اتے تنازعہ فلسطین تے عالمی برادری کوں موازنہ پیش کیتے، ڄیکر طاقتور ملک چاہندن تاں مسلے حل تھ?? ویندن ٻھل اے مسلے کوں ہک پاسے سٹیا ویندا پئے، فلسطینیاں دیاں امیداں پوری دنیا کیتے متاثر کن ہین، ہر خاندان دے لوگ شہید تھئن، غزہ اتے فلسطین دے لوکاں کیتے اقدامات کرݨے ہوسن، غزہ آئوٹ ریچ پروگرام فار ایجوکیشن کیتے مخیر حضرات ہتھ ونفائے، 145 فلسطینی طالب علم پاکستان پڄ چکین، بنھاں طالب علماں دی مختلف شہراں اچ تعلیم کیتے پوری میزبانی کریسوں اتے انہاں کوں سرکاری خرچ تے مفت طبی تعلیم ݙتی ویسی، ایں سانڳے و??ارت خارجہ و وزارت صحت کوں اقدامات دا آکھ ݙتے۔ انہاں آکھیا جو فلسطینیاں اپݨے پیارے ونڄائن، پاکستانی تہاݙے ٻھیݨ ٻھرا ہین ڄیرھے تہاݙی اپݨے ٹٖبر آلی کار ݙیکھ ٻھال کریسن۔ ایں موقع تے و??یراعظم دے کوآرڈینیٹر برائے قومی صحت ڈاکٹر مختار احمد بھرتھ، چیئرمین ایچ ای سی ڈاکٹر مختار احمد سودھا فلسطینی طالبات ڈاکٹر لامہ اتے ڈاکٹر مسرت وی تقریب نال خطاب کیتے۔
عالمی برادری غزہ اچ فلسطینیاں دی نسل کشی، جنگ بندی کراوݨ اچ ناکام رہی اے، وزیراعظم دا تقریب نال خطاب
مضمون کا ماخذ : مصری ڈریمز ڈیلکس
متعلقہ مضامین
