اسلام آباد 07 نومبر (اے پی پی) وزيراعظم عمران خان وئيلي دي چې د اپوزيشن چې څومره خوښه وي جلسې دې وكړي خو ترڅو ئې چې لوټ كړې پېسه بېرته نه وي راوړې، دوي به پرې نه ږدم، دوي خپله غلا بچ كولو لپاره د هندوستان په ژبه خبرې كوي. ده دا خبرې د خالي په ورځ په حافظ آباد كښې اولسي غونډې ته په خپله وېنا كښې وكړې. ده ووئيل چې د كورونا وائرس له امله ټوله نړۍ كشالو سره مخ شوه خو د حكومت د اقداماتو په نتيجه كښې هېواد د سخت وخت نه راوتلې. په هېواد كښې په تندې سره مثبت بدلون راځي. په ګاونډي هېوادونو كښې د كورونا په نتيجه كښې زياته تباهي شوې خو په پاكستان كښې د موثره اقداماتو په سبب په كاميابې سره د كورونا په مقابله كولو كښې مرسته شوې. ده ووئيل چې د پاكستان سټاك اېكسچېنج بره روان دے، په برآمداتو كښې اضافه شوې، د معيشت پايه روانه شوې. ده ووئيل چې په حافظ آباد كښې پوهنتون جوړولې شي او د 400 بستره روغتون جوړولو پرېكړه شوې. ده ووئيل چې ډېر زر به دا پروژې ترسره كړې شي ځكه چې دا د اولس ضرورت دے او دا زمونږ ذمه واري ده، مونږ به خپلې ذمه وارې ترسره كوو. ده ووئيل چې زه په دې خوشحاله يم چې د پنجاب حكومت د روان 2020م كال تر پاې د پنجاب 50 فيصده اولس ته د صحت انصاف كارډ رسولو پرېكړه كړې. وزيراعظم ووئيل چې تر كال 2021م نه ټول پنجاب ته د صحت كارډ ورسولې شي. وزيراعظم ووئيل چې د ناروغې په صورت كښې په صحت كارډ كومه كورنۍ تر 10 لكه روپو علاج د هر ځائ نه كولې شي، دا د دوي خوښه ده چې علاج د سركاري روغتون نه كوي يا نجي روغتون نه. ده ووئيل چې د پاكستان په 73 كلن تاريخ كښې په وړومبي ځل عام وګړے مطمئن دے چې د ناروغې په وخت د علاج اسانيې به ترلاسه كړي. ده ووئيل چې د نړۍ په مالداره هېوادونو كښې هم داسې اسانيې نشته. ده ووئيل چې د صحت كارډ د لارې به په كليوالو سيمو كښې نجي روغتونونه جوړ شي. په خېبر پښتونخوا او پنجاب كښې به د نجي روغتونونو جال وغزول شي. وزيراعظم عمران خان په خپله وېنا كښې د پناه ځايونو په جوړولو، نوې پاكستان هاٶسنګ پروژه ، په هېواد كښې د احتساب په نظام او ګټه هم رڼا واچوله. وزيراعظم ووئيل چې د پاكستان فلاحي رياست كولو سفر پېل شوے، د كم آمدن خلقو لپاره د نوې پاكستان هاٶسنګ سكيم پېل شوے. دستورې ته د پنجاب وزيراعلٰي سردار عثمان بزدار، د قومي اسمبلۍ غړي شوكت علي بهټي او د پاكستان تحريك انصاف لارښود مهدي حسن بهټي هم وېنا وكړه.
د اپوزيشن چې څومره خوښه وي جلسې دې وكړي خو ترڅو ئې چې لوټ كړې پېسه بېرته نه وي راوړې، دوي به پرې نه ږدم. د وزيراعظم عمران خان په حافظ آباد كښې اولسي غونډې ته وېنا
مضمون کا ماخذ : پاور بال جیتنے کے طریقے
متعلقہ مضامین
