نیو یارک ۔26ستمبر (اے پی پی) خارجه وزير شاه محمود قرېشي وئيلي دي په ملګرو ملتونو كښې د افغانستان د معزول شوي حكومت افغان سفير چوكۍ هېڅ جواز نه لري۔ په نيويارك ټائمز كښې د اتوار په ورځ شائع شوې يوه مركه كښې هغه ووئيل غلام اسحاق زئي د پخواني افغان صدر اشرف غني په افغانستان د طالبانو قبضې نه څو مياشتې وړاندې مقرر كړے شوے ؤ۔ په دې مهال طالبانو خواست كړے دے چې دوحه كښې د طالبانو وياند سهېل شاهين دے د اسحاق په ځائې تعينات كړے شي او هغه ته دې په عمومي اسمبلۍ كښې د خبرې كولو اجازه وركړې شي۔ شاہ محمود قرېشی ووئيل دا به كتل وي چې د طالبانو خواست جواز لري يا نه۔ د ملګرو ملتونو وياند سټېفن دوجارک يو اي مېل پېغام كښې وئيلي چې تر دې دمه د افغانستان د نمائنده په توګه د اېم اسحاق زئۍ نامه درج ده۔ خارجه وزير شاه محمود قرېشي ورځپاڼې ته ووئيل ما 20 كاله وروسته نزدې يوه مياشت وړاندې د امريكا د وتلو نه وروسته افغانستان كښې غوره اشارې ليدلې دي۔ هغه ووئيل د حېرانتيا خبره دا ده چې د طالبانو په فتح افغانستان كښې د كورنۍ جګړې كوم اثار نشته۔ خارجه وزير ووئيل پاكستان كه هر څو افغانستان سره په پوله حفاظتي باړ لګولے دے ولې بياهم پوله دا مهال پرانستې ده او د دې غوره صورتحال په سبب خلكو بېرته تګ پېل كړې دې۔ خارجه وزير د دې اندېښنې څرګندونه وكړه چې افغانستان كښې انساني او معاشي تباهي اوس هم يوه خطره ده۔ خارجه وزير پاكستان د امريكا ” معاون حلیف “ وګرځولو۔ هغه ووئيل د پاكستان د امريكا په ضد د كار كولو په اړه كوم هم خيال به غلط بياني وي۔
د معزول شوي افغان حکومت افغان سفیر چوكۍ بايد خالي كړې شي۔ شاه محمود قرېشي
مضمون کا ماخذ : جوگوس ڈی لوٹیریا آن لائن
متعلقہ مضامین
