اسلام آباد ۔ 3 جولائی (اے پی پی) وفاقی وزیر منصوبہ بندی ،ترقی ،اصلاحات و خصوصی اقدامات اسد عمر آکھیے جو پورے ملک اچ عوام کورونا وائرس دے کھنڈنڑ کوں روکنڑ کیتے بنڑائے گے ایس او پیز ،گائیڈ لائینز اتے ڈاکٹراں دے مشورے تے عمل درآمد کیتا جیں دی وجہ توں اج ہسپتالاں ، آکسیجن ، وینٹیلیٹرز تے کورونا وائرس دے مریضاںدی تعداد اتے ایں وبا نال اموات گھٹ نظر آندیاں پئن ایں وبا نال اموات گھٹ نظر آندیاں پئن ، پوری قوم ایں طرح ایس او پیز تے عمل درآمد جاری رکھیسی تاں جولائی دے چھیکڑ تئیں کورونا وائرس دے متاثرین دی تعداد 4 لکھ توں وی گھٹ ہوسی ۔ او جمعے کوں نیشنل کمانڈ اینڈ آپریشن سینٹر (این سی او سی) اچ میڈیا بریفنگ ڈیندے پئے ہن ۔ وفاقی وزیر اسد عمرآکھیے جو این اسی او سی پچھلے تڑائے ہفتے اچ تھیونڑ آلی پیشرفت دا جائزہ ، ہنڑ تئیں حاصل تھیونڑ آلے نتائج تے جولائی دے مہینے کیتے حکمت عملی دا جائزہ گھدا ۔ انہاں آکھیے جو کورونا وائرس دے کھنڈنڑ کیتے جون اچ حفاظتی تدابیر، ایس او پیز اتے گائیڈ لائینز تے عمل درآمد کیتے ساریاں وفاقی اکائیاں بھرپور کردار ادا کیتے ، صوبائی حکومتاں دی محنت پاروں چنگے نتیجے سامنڑے آئن ۔
عوام دے ایس او پیز تے عمل درآمد نال ہسپتالاں ، آکسیجن ، وینٹیلیٹرز تے کورونا وائرس دے مریضاںدی تعداد تے اموات گھٹ تھی گئن، بے احتیاطی تھئی تاں بیماری ولا پہلے وانگوں رفتار نال واپس آسی ، وفاقی وزیراسد عمر دی این سی او سی اچ بریفنگ
مضمون کا ماخذ : لاٹری ٹکٹ آن لائن دستیاب
متعلقہ مضامین
