اسلام آباد ۔ 24 ستمبر (اے پی پی) وزیرخزانہ سینیٹر اسحاق ڈار آکھے جو پاکستان جاپان نال اقتصادی گانڈھے کوں بیا ودھاونڑاں چاہندے ، اساں ہمیشہ جاپان ایکسٹرنل ٹریڈ آرگنائزیشن دی حمایت کیتی ہے ، چنگے ماحول پاروں غیرملکی سرمایہ کار پاکستان آلے پاسے آندے پئے ہن ۔پاکستان اچ سرمایہ کاری سانگے چنگا ماحول پیدا کیتا ہے ۔ چھنڑ چھنڑ کوں وزیر خزانہ سینیٹر اسحاق ڈار نال جیٹرو دے صدر یاشوشی اکاہوشی دی قیادت اچ جاپانی وفد ملاقات کیتی ۔ جیٹرو ولوں پاکستان اچ سرمایہ کاری دا خیرمقدم کریندے ہوئیں صدر جیٹرو یا شوشی اکوشی آکھے جو پاکستان اچ کارسازی دے شعبے اچ سرمایہ کاری دے وڈے موقعے موجود ہن ۔ سرمایہ کاری نال ڈوہائیں ملکاں دے تعلقات بئے مستحکم تھیسن۔ جاپان پاکستان اچ آپنڑیں سرمایہ کاری ودھیسی ۔ وزیر خزانہ اسحاق ڈار گاڈیاں دے شعبے اچ جاپانی سرمایہ کاری دی تعریف کیتی ، وزیر خزانہ جاپانی کمپنیاں کوں ڈوجھے شعبیاں اچ سرمایہ کاری دی دعوت ڈتی ۔ وزیر خزانہ آکھیا جو جیٹرو دے پاکستان اچ سرمایہ کاری گھن آونڑ دا خیر مقدم کریندے ہئیں۔ وزیرخزانہ وفد کوں حکومت دیاں اقتصادی کامیابیاں بارے ڈسایا۔
وزیرخزانہ سینیٹر اسحاق ڈار دی جاپانی تجارتی وفد نال ملاقات اچ گالھ مہاڑ
مضمون کا ماخذ : bolão lotomania
متعلقہ مضامین
