اسلام آباد ۔ 8 اکتوبر (اے پی پی) پاک فوج دے سربراہ جنرل قمر جاوید باجوہ چینی پیپلز لبریشن آرمی دے کمانڈر جنرل ہان ویگو اتے سینٹرل ملٹری کمیشن دے وائس چیئرمین نال ملاقات کیتی۔ایں موقع تے مقبوضہ کشمیر ،علاقائی سلامتی دی صورتحال اتے پاک چین دفاعی تعاون تے گالھ مہاڑ کیتی گی۔آئی ایس پی آر مطابق جنرل قمرجاوید باجوہ کو ںپیپلز لبریشن آرمی دے ہیڈکوارٹرز دورہ دے موقع تے گارڈ آف آنر پیش کیتاگیا ۔ چینی فوجی قیادت کشمیر تے پاکستان دے اصولی موقف دی تعریف کیتی اتے امن سانگے پاکستان دے اقدامات دی تعریف کیتی۔ ڈوہائیں ملکاں دی فوجی قیادت ایں گالھ تے اتفاق کیتا جو پاک بھارت جاری کشیدگی دور نہ تھیونڑ نال خطے دے امن واستحکام تے سنگین نتائج پوسن ۔ پاک چین فوجی قیادت تریخی سانجھے تعلقات تحت دفاعی تعاون ودھاونڑ تے وی اتفاق کیتا۔ایں موقع تے گالھ مہاڑ کریندے پاک فوج دے سربراہ جنرل قمر جاوید باجوہ آکھیا جو پاکستان امن چاہندے لیکن قوم دے وقار اتے اصولاں تے کہیں صورت کوئی سمجھوتاکائناں کیتا ویسی۔ آرمی چیف آکھیا جو بھارت کو اقوام متحدہ دی قرارداداں دا احترام کریندے ہوئیں کشمیراچ انسانی حقوق دا تحفظ یقینی بناونڑ چاہیدے.
پاک فوج دے سربراہ جنرل قمر جاوید باجوہ دی چینی پیپلز لبریشن آرمی دے کمانڈر جنرل ہان ویگو، سینٹرل ملٹری کمیشن دے وائس چیئرمین نال ملاقاتاں، دفاعی تعاون ودھاونڑ تے اتفاق مقبوضہ کشمیر، علاقائی سلامتی دی صورتحال اتے پاک چین دفاعی تعاون تے گالھ مہاڑ کیتی گی
مضمون کا ماخذ : گونزو کی تلاش
متعلقہ مضامین
