اسلام آباد ۔ 28 مارچ (اے پی پی) وزیر خارجہ شاہ محمود قریشی آکھیے جو چین کورونا وبا تے قابو پاونڑ کیتے پاکستان دی بھرپور معاونت کریندا پئے ۔پاکستان تے چین ہمیشہ ہک ڈوجھے دے رلے کھڑن ۔پورے ملک اچ وینٹی لیٹرز دی تعداد ودھدیندے پیوں ۔ او ہفتے کوں اسلام آباد ائیر پورٹ تے میڈیا نال گال مہاڑ کریندے پئے ہن ۔ وزیر خارجہ مخدوم شاہ محمود قریشی چین ولوں بھجوائے گے امدادی سامان کوںوصول کیتا ۔سیکرٹری خارجہ سہیل محمود اتے چیرمین نیشنل ڈیزاسٹر مینجمنٹ اتھارٹی لیفٹیننٹ جنرل محمد افضل تے پاکستان اچ تعینات چینی سفیر یاوجنگ وی ایں موقع تے موجود ہن ۔ وزیر خارجہ 8 رکنی چینی طبی ماہرین دی ٹیم کوں پاکستان آمد تے خوش آمدید آکھیے ۔ چینی طبی ماہرین کورونا وائرس نال نبڑنڑ دے حوالے نال خصوصی مہارت رکھیندن ۔ چینی طبی ٹیم ڈوہفتے تئیں پاکستان اچ قیام کریسی ۔
مضمون کا ماخذ : پاور بال کا ٹکٹ
