لاہور۔17نومبر (اے پی پی):صدر مملکت ڈاکٹر عارف علوی آکھیے جو پاکستان ہک مہذب ملک اے ، قوم کوں جیڑھے نویں پاکستان دی نوید سݨائی ہئی ہݨ او بݨدا نظر آندا پئے، ہر چیز مغرب توں سکھݨ دی لوڑھ کائنی ،اسلام اچ زندگی دے سارے سنہری اصول موجود ہن، سارے طالب علم مبارخ باد دے مستحق ہن ، تساں جیڑھا ڈیزائننگ دا ہنر سکھیے ایندی منگ پوری دنیا وچ ھے ،ایں ادارے دا مقصد پاکستان دی چیزاں دی ویلیو ایڈیشن کراوݨ ھے ، کہیں چیز کوں سوہݨے رنگ اچ پاوݨ ، آئیڈیاز ݙیوݨ تے چنڳے طریقے نال ویچݨ ایہو ہنر اے،کوویڈ۔19 اچ دنیا سمجھدی ہئی جو پاکستان اچ اے بیماری ودھ کھنڈ ویسی ،اللہ دا شکر اے جو پاکستانی عوام احتیاطی تدابیر اتے حکومتی حکمت عملی پاروں بیماری تے وختی قابو پاڳھدے ۔او منڳل کوں پاکستان انسٹی ٹیوٹ آف فیشن اینڈ ڈیزائن دے تریجھے کانووکیشن توں خطاب کریندے پئے ہن۔ وفاقی پارلیمانی سیکرٹری تعلیم وجیہہ اکرم ، وائس چانسلر پروفیسر حنا طیبہ ، نیئر علی دادا، فیکلٹی ممبران ، اساتذہ ، ڈیزائنرز اتے طالباں دی ودھ ساری تعداد شرکت کیتی ۔صدر مملکت آکھیے جو بطور چانسلر قابل فخر طلبا اچ ڳالھ کرݨ تے انھاں کوں میڈل ݙے تے میکوں خوشی تھیندی پئی اے ،انسان اپݨی تخلیق اتے آئیڈیاز نال ݙوجھیں کوں متاثر کرݨ دی کوشش کریندے ۔
پاکستان ھک مہذب ملک اے ، ہر چیز مغرب توں سکھݨ دی لوڑھ کائنی ،اسلام وچ زندگی دے سارےسنہری اصول موجود ہن ، صدر مملکت ڈاکٹرعارف علوی
مضمون کا ماخذ : لاٹری کا ٹکٹ کیسے خریدیں
متعلقہ مضامین
