اسلام آباد 26 دسمبر (اے پي پي) د اطلاعات او خپرونو وفاقي وزيرې مريم اورنګزېب د نېشنل اميچور شارټ فلم فيسټيول 2022 كاميابو زده كوٶنكو او د دوي مور او پلار له مباركي وركولو سره وئيلې دي نړۍ فلم د سېلګرۍ ودې لپاره استعمالوي، فلم د لارې مونږ خپل كلتور ته وده وركولې شوو ٬ پاكستان په كال 1971 كښې د نړۍ څلورم لوي فلم پروډيوسر هېواد ٶ، د پاکستان فلمي صنعت چې غلے شو نو زمونږ كلتور او ژبه هم خاموشه شوه٬ كال 2011 كښې د دې صنعت د بيا بحالۍ عمل پېل شوے٬ د پاكستان وړومبۍ نېشنل فلم اينډ کلچر پاليسي په كال 2017 كښئ پخواني وزيراعظم نواز شريف پېل كړې ، حکومت د كال 2022 په بجټ كښې د فلمي صنعت ټېكس ختم كړے٬ په پوهنتونونو كښې د فلم سازۍ پحقله نصاب هم پېل كوٶ۔ د دې خيالاتو څرګندونه دې د ګل په ورځ نيشنل اميچور شارټ فلم فيسټيول 2022 د ايوارډ دستورې ته خپلې وېنا كښې وكړه۔ د دستورې خاص مېلمه وزيراعظم محمد شهباز شريف ٶ او د ډي پي ورلډ چيف اېګزېكټو افسر سلطان احمد بن سلائم، وفاقي وزيرانو، د اطلاعات سېكرټرې شاهيره شاهد پشمول نوموړو اداكارو او زده كوٶنكو سره سره د دوي مور او پلار هم په دستوره كښې ګډون كولو۔ وفاقي وزيرې ووئيل نېشنل اميچور فلم فيسټيول د پاکستان نيشنل فلم اينډ کلچرل پاليسۍ تر مخ راجوړ دے۔ دې ووئيل فلم سازي او فلم پروډکشن ته يواځې د تفريح په تناظر كښې نه بلكې د سکرين ټورازم، بيانيې جوړولو، تهذيب٬ كلتور او د ژبې په توګه كتلے كېږي٬ مونږ د فلم د لارې د پاكستان مثبت تشخص رامخې ته كولې شوو ٬ وزيراعظم شهباز شريف د فلم انډسټرۍ په پرمختګ كښې خاص خوښي لري۔ وفاقي وزيرې ووئيل د سوشل ميډيا او ډيجيټل ميډيا انقلاب سره سره د شارټ فلم اهميت هم زياتېږي۔ دې ووئيل د اوسني سېلاب په مهال د شارټ فلم له امله په قامي او نړيواله كچه د سېلاب ځپليو پحقله ښه موبلائزېشن رامخې ته شوے٬ هم دا د شارټ فلم طاقت دے ۔ دې ووئيل د دې فيسټيول كاميابو پنځلسو زده كوٶنكو ته سكالرشپس وركوو او د سكالرشپس په سپارنسر كولو د ډي پي ورلډ هم مننه كوٶ۔ په دستوره كښې د نيشنل اميچور شارټ فلم فيسټيول کاميابۍ لپاره د دبئۍ پورټ چيف ايګزيکټو آفيسر سلطان احمد بن سلائم، حسن مختار او فخر عالم ته يادګاري شېلډز وركړے شول۔ دستورې ته د اطلاعات سېكرټرې شاهيره شاهد ٬ د ډي پي ورلډ چيف اېګزيکټو آفيسر سلطان احمد بن سلائم هم وېنا وكړه
نړۍ فلم د سېلګرۍ ودې لپاره استعمالوي٬ د كال 2022 په بجټ كښې د فلمي صنعت ټېكس ختم كرے شوے۔ د وفاقي وزيرې مريم اورنګزېب د نېشنل اميچور شارټ فلم فيسټيول 2022 دستورې ته وېنا٬ كاميابو زده كوٶنكو له اېوارډز وركړلے شول
مضمون کا ماخذ : آن لائن لاٹری ٹکٹ
متعلقہ مضامین
