اسلام آباد ۔ 20 اگست (اے پی پی) حریت کانفرنس بزرگ حریت رہنما سید علی گیلانی نال منسوب خط کوں نقلی قرار ڈتے ۔ حریت کانفرنس دے ترجمان ولوں جاری بیان موجب انہاں آکھیے جو بھارتی ایجنسیاں سید علی گیلانی دے ناں نال نقلی خط کھنڈائی کھڑن ۔ ترجمان حریت کانفرنس آکھیے جو سید علی گیلانی ایجھا کوئی خط کائنی لکھیا ۔ حریت رہنما سید علی گیلانی شدید علیل ہن تے علالت پاروں گال کرنڑ توں وی قاصر ہن ۔ شیخ عبدالمتین آکھیے جو سید علی گیلانی دے نیڑے ذرائع ایں خط دی تردید کیتی اے ۔ حریت کانفرنس ساری معلومات حاصل کرنڑ دے بعد خط دی تردید کریندی اے۔ سید علی گیلانی دے ناں نال نقلی خط بھارتی ایجنسیاں دی کارستانی اے۔
مضمون کا ماخذ : فنکی پھل
