اسلام آباد ۔ 17 مارچ (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو کورونا توں بچنڑ تے ایندے کھنڈنڑ کوں روکنڑ کیتے میڈیا آگاہی دے ذریعے کلیدی کردار ادا کریندا پئے جیرھا جو لائق تحسین اے ، ایں چیلنج نال نبڑنڑ کیتے میڈیا کوں اپنڑاں شراکت دار سمجھدوں ، موجودہ صورتحال اچ افراتفری اتے ہیجان توں بچنڑ ضروری اے ۔ ہر ویلھے باخبر رہنڑاں اے تاں جو اتحاد تے یکجہتی نال ایں وائرس دا مقابلہ کیتا ونج سگے ۔ منگل کوں معاون خصوصی ڈاکٹر فردوس عاشق اعوان اپنڑے ٹویٹ اچ آکھیے جو میڈیا دا سارے عمل اچ کلیدی کردار اے ، بیماری دی علامات، ایندے ممکن علاج تے بچنڑ بارے پوری معلومات حاصل کرن تاں جو اساں سارے اپنڑاں تے ہک ڈوجھے دا خیال رکھ سگوں۔ خود ایں بیماری توں محفوظ رہوں تے اپنڑے پیاریں کوں وی ایں وبا توں بچا سگوں۔کوڑیاں گالھیں تے کن نہ ڈتے ونجن ۔انہاں آکھیے جو مسیت دا منبر تے امام دی آواز ایں بین الاقوامی چیلنج دے مقابلے کیتے ہر اول دستے دا کردار ادا کرسگدی اے ، وزیراعظم عمران خان دی مولانا طارق جمیل نال ملاقات ایں سلسلےدی ہک کڑی اے ،ایں اہم قومی فریضے اچ علما دے مرکزی کردار کیتے وزارت مذہبی امور کوں ذمے واری ڈتی گئی اے۔
کورونا وائرس کوں روکنڑ کیتے میڈیا آگاہی دے ذریعے کلیدی کردار ادا کریندا پئے ، ڈاکٹر فردوس عاشق اعوان دا ٹویٹ
مضمون کا ماخذ : مصری ڈریمز ڈیلکس
متعلقہ مضامین
